1‏/10‏/2008

جانا العيد أهو جانا العيـــد !!



" العيد فرحه.. هييه هييه .. واجمل فرحه .. تجمع شمل قريب وبعيييد ... سعدنا بيها.. هيه هيه .. بيخليها ذكرى جميله لبعد العيد "

الأغنية دي بقا حققت أعلى تعليقات في جروب " أغاني الطفولى المشردة " على الفيسبوك .. الجروب كان فاتح توبيك للحاجات اللي كنا فاهمينها غلط واحنا صغيرين .. يعني ناس كانت فاكرة الجزار بيبيع جزر و المصمت بيبيع صميت بس أغلب التعليقات اللي نازلة بيدوروا حولين كلمة ( سعدنا بيها) ... :
معظم الأطفال _ و أنا كنت منهم
_ بيسمعوها سعد نبيهة .. شوية فاكرينهم من شخصيات العيد و اللي فاكراهم ولاد صفاء أبو السعود و اللي بيتسائل ليه سعد نيبهة بيخليها مش بيخلوها اما بقا طفلة ذكية جدا بحييها كانت بتسمعها : سعد نبيها و كانت فاكرة إن العيد له نبي إسمه سعد حاجة كدا زي بابا نويل و تستنا سعد يجي يخبط عالبيت يديها العيدية و الكحك
و في نفس الأغنية بردو في ( كتر يا رب في أعيادنا ) ولد كان دايما يسمعها (جت طيارة في بيت أعيادنا)
المهم إن في الآخر الكل اتفق بالإجمااااااااع إن العيب في صفاء أبو السعود مش فيهم


--------------------------------------------

من أجمل رسايل المعايدة المبتكرة اللي جاتلي
:

قريبا سيتم تغيير صيغة ( عيد مبارك) إلى ( يا جمال العيد)


-----------------------------------------------

المهم كل سنة و انتم طيبين و بألف خير و ينعاد عليكم و ربنا ما يوريكو العيد اللي عيدتوا السنة الي فاتت اللي ماكنش عيد أصلا عشان لابتوبي اتسرق أول يوم عيد الفطر .. عشان كدا السنة دي حعيش العيد دا بالطول و حتبسط و حضحك و حعوض الفرحة اللي سرقوها مني العيد اللي فات ...


صحابي و أخواتي اللي بحب تعليقاتهم أوي و بوجهلهم أجمل التهاني:

د. مها ... كل سنة و انت طيبة يا أحلى أم في الدنيا
شيماء الجمال .. كل عيد و انت جميلة و حبوبة و صحبتي دايما يا رب
صباح الصباح .. كل سنة وانت طيب و متميز
جوجو .. أختي الصغيرة الي بحبها أوي كل سنة وانت طيبة و بألف خير
شاشا .. كل سنة وانت فنانة و مبدعة و كاتبة رائعة
شيماء مهدي .. وحشتيني .. و كل سنة وانت طيبة و يا رب يحققلك كل أحلامك
كيارا .. كل عيد وانت شقية و نشيطة كما عهدناك دوما

شيتوس .. كل سنة وانت أهلوية اوي أوي أوي ;-)
roufi .. زميل الدراسة كل سنة و انت طيب و ناجح في حياتك
أحمد حشمت ... يا رب حــــــــر دايما .. و عيد سعيد لك و لأسرتك
Blue_wave .. عيد سعيد و كل سنة و حضرتك مؤلف متميز
الريم .. عيد سعيد ليكي و لاسرتك تقضيه معاهم في اسكندرية بعيد عن الشغل و الدوشة :)
نونو ... عيد مبارك ... وحشتينيي !!
رحيل .. كل عام و أنت متميزة و كاتبة رائعة دايما يا رب
محاسن صابر ... كل سنة و انت طيبة و أم حنونة .و مدونة رائعة
مجنووون .. كل عام و انت مجنون عاقل جدا ;-)
أكون أو لا أكون .. كل سنة و انت طيبة و مدونة رائعة
خديجة محسن .. كل سنة وانت طيبة و ملتزمة و إلى الله أقرب
سارة يا رب أحلامي .. كل سنة و انت طيبة و تحققي كل أحلامك

زواري الجدد : رئيس جمهورية نفسي و حسام وعمر و a few good man و أبلة نظيرة و self meaning و رومانسي وضد التيار و جروب الإسلام
كل سنة و انتم طيبين و متميزين دائما و أبدا

------------------------------------------------

كلمة أخيرة تقبلوها مني ..

بعد 30 يوم من صلاه وصيام وصدقه وفعل خير وقله نوم وقله اكل وتعب واجهاد ودعاء حرام نضيع كل دا ..
من علامات قبول صيامنا في رمضان الثبات على الطاعة .. أكيد الطاعة مش حتكون زي رمضان بس لازم نتمسك بيها و نعمل بالآية الكريمة : ( ولا تكونوا كالتي نقضت غزلها من بعد قوة أنكاثا ) يعني مش بعد كل الجهد اللي حققناه في الشهر دا ننقضه بعدم الثبات ..

و كل سنة و انتم بألف خيـــــــــــــــــــــر
______________________

هناك 28 تعليقًا:

رئيس جمهوريه نفسى يقول...

كل سنة وانتى طيبة وعسى اللة ان يتقبل اللة صيامكم وقيامكم وصالح اعمالكم ونحن اياكم وسائر المسلمين
على ذكر سعد نبيهة لية جار يحمل نفس الاسم
عيدك سعيد او اى اسم تانى بس مش (مبارك)

قطرات من شواطئ الحياة يقول...

رئيس جمهورية نفسي
آمين يا رب
اما عن جارك ف ده اسم مركب ولا الوالد اسمه نبيهة ؟؟ D:
و كل سنة وانت طيب

afew good men يقول...

كل سنة وانتي طيبة

عجبني البوست جدا

ربنا يوفقك ويهميكي ويثبتك

Dr.Maha Salem يقول...

الغريب قي الاغنية دي انها قديمة اويييي
من قبل ما تتولدي
والظاهر ان سعد نبيهة دة عامل عمل بحيث ان
بعد العمر دة كله الاغنية لسة عايشة وصفاء ابو السعود كمان;)
عيد جميل مبروك
من غير جمال او مبارك

قطرات من شواطئ الحياة يقول...

a few a good man
كل سنة و انت طيب و مدون عظيم جدا نفسي تروح منك لمسة الحزن اللي موجودة في حميع أركان مدونتك رغم إنها جميلة كما هي عليه
دمت و دام قلمك الرااائع

----------

د.مها
والله ضحكتيني .. D:

كيارا يقول...

كيارا .. كل عيد وانت شقية و نشيطة كما عهدناك دوما

----------

وانتي طييييييييييبه ياثكرايا

وانا مس سقيه خالص خالص

انتي مس تعرفي

دي طلعت اوساااااعه

انا هاديه خالص مالص

عيد سعيد عليكي ياقمر

قطرات من شواطئ الحياة يقول...

كيارا هادية خالص خالص مالص طبعااااااا
حد يقدر يقول غير كدا ؟؟؟؟؟؟
و مدونتها خير دليل على ذلك يا جماعة P:

عمر يقول...

عندك حق فعلاً ..

ربنا يثبتنا ويثبتكم على الطاعة والخير ..

وبأتمنالك إن أيامك إللي بعد العيد تكون كلها فرحة وأمل و سعادة يارب ..

خالص تحياتي ..

قطرات من شواطئ الحياة يقول...

عمر
آميـــــــــن يا رب
و كل سنة وانت إلى الله أقرب

شيماء الجمال يقول...

شكراّ يا كوكا على الإهداء الجميل ده :)
بمناسبة (سعدنا بيها) إقرى المقال ده :
http://www.youm7.com/News.asp?NewsID=42493

elsha3er يقول...

كل سنة وانتى بألف خير واشوفك يارب العيد الجاى كدة فى الكوشة جنب عريسك اللى بتحبيه واكتب قصيدة ليكى مخصوص وانا اللى القيها فى فرحك

بس ابقى اعزمينا

احمد الشاعر

roufi يقول...

نسيتي أجمل أغاني العيد
لثومة
يا ليلة العيد أنيستينا
وجددتي الأمل فينا يا ليلة العييييد

أعتقد بقي دي مافيهاش أي لخبطة
لا نبيهة ولا سعد
كلمات سلسة وزي الفل اهي

كل عيد فطر وأنتي متفوقة وإسمك في أول سطر ومنور دايما
إن شاء الله
happy feast kari

صباح الصباح يقول...

كيمو

اية دة هوة اللاب توب بتاعك اتسرق ؟

ازاى !!!!!

تصدقى انا كمان موبايلى اتسرق ومنين

من الشركة!!!!

ياللا يارب الراجل اللى سرقة كل ما ييجى يتصل بية تطلع لة الست الغتتة بتاعة الهاتف الذى طلبتة ربما يكون محروقا او مغروقا!

هههههههههههه

كل سنة وانتى طيبة يا كيمو وابقى سيبى لى كعكاية

Selfmeaning يقول...

كل سنة و انتى دايما فى احسن صحة و حال

بجد اتفاجئت لما لقيتك كتبانى تحت

ربنا يخليكى ليا عالطول يا جميلة

و عيد سعيد

ahmed_k يقول...

يارب يكرمك يا كريمان على معايدتك الجميله
وأقول لكي

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

قطرات من شواطئ الحياة يقول...

شيماء الجمال
شكرا عليه إيه بس تستاهلي أكتر من كدا والله
قريت المقال مش ممكن وهمي بجد بس مقولتيليش مين سعد نبيهة ده ؟؟ P:

_________________________

أحمد الشاعر
معزووووم طبعا
بس لسا بدري أنا لسا صغننة $:

_________________________

roufi
صح صح حد ينسى ثومة بردو ؟؟
على رأيك لا فيها سعد ولا نبيهة هههه
كل سنة وانت طيب

romansy يقول...

كل سنه وانتى بالف صحه وسعاده
وشكرا على التهانى
وانك اعتبرتينى من زوارك الجدد
شكرا ليكى
وفعلا اغنيه العيد فرحه من اجمل الاغانى اللى بحبها
وكلنا بنحبها

جوجو يقول...

السلام عليكم

كل سنة وانتى طيبة ياقمر

ربنا يخليى

يارب تقضى عيد سعيد

بجد كلامك جميييييييل

تحياتى

مـجـنـووون يقول...

كل سنه وأنتي بألف خير

وربنا يجلعنا من الذين يثبتون علي الطاعه بعد رمضان

وشكراً علي التهنئة .
يعني لسه في حد فكرني

اسعدني حضوري
مجنووون

قطرات من شواطئ الحياة يقول...

صباح الصباح
ونعم شركتك !
لأ أنا لابتوبي اتسرق من البيت ..سيبنا البيت ساعتين بالعدد كان البيت اتقلب .. و الحرامية اتمسكوا بعد كدا و رجعوا لاب توب والدي بس بتاعي كانوا خلاص باعوه )':
ياللا كل سنة و انت طيب يا محمد و شايلالك علبة الكحك كلها بالهنا و الشفا بس أوعى تفطس P:

_________________________

self meaning
و يخليكي ليا انت كمان يا رب
و كل سنة و انت طيوبة !

_________________________

أحمد _ ك
أشكرك على أحلى دعوة
و آميــــــن يا رب

________________________

قطرات من شواطئ الحياة يقول...

romansy
و انت طيب و بصحة و سعادة
الأغنية دي فعلا بتدي طابع مميز للعيد و كلنا بنحبها و بالذات سعد و نبيهة بيموتوا فيها أصلا ;-)

__________________________

جوجو
ميرسي لتعليقك الجميل زيك
و عيد سعيـــد

___________________________

مجنووون
إيه اللي بتقولة ده ؟ مجنون مين ده اللي يقدر ينسى "مجنووون" ؟؟
أكيد فاكرينك طبعا بس ابقا افتكرنا في العيدية P:
و كل عيد و انت بخير

mahasen saber يقول...

كل سنه وانتى جميله ورقيقه ومعطائه كده
ايه الكلام الجميل ده الله يكرمك
انا كلامك ووصفك ليا ولاخواتنا المدونيين عجبنى قوى ..الله يكرمك..
وبعدين انتى فعلا اسلوبك الكتابى شيق وراقى قوى والاهم طالع من القلب...
الف شكر ليكى ولذوقك
جزاكى الله كل خير...
وعيد سعيد عليكى
وعلى اسرتك
وعلى كل من تحبين...
وكل عيد ولابتوبك فى حضنك وخدى بالك عليه..
مش عارفه فعلا اشكرك على ذوقك ازاى بس شكرا والف شكر كمان....

أحمد حشمت ( المحامي الحر) يقول...

عيد سعيد
ولبس جديد
وعمر مديد
...............
شكرا ليكي بجد
أسعدني ذكرك لي
ذكرك الله في ملأ خير دائما
ودمت صحيحة البدن سليمة اللسان
طاهرة القلب والنفس
............

قطرات من شواطئ الحياة يقول...

أحمد حشمت
أشكر لطفك و رقة مرورك !

قطرات من شواطئ الحياة يقول...

محاسن صابر
رائعة هي كلماتك .. و جميل هو تعبيرك
بجد أحرجتيني
أشكر مرورا مميزا لمدونة أكثر تميزا
دمت بألف خير
و تبقي أختا عزيزة

أكون أو لا أكون يقول...

كل سنه وأنتي بالف خير ياقمر...
بجد فرحت جداً لما لقيت إسمي من ضمن الأسماء المهنأه...
تسلمي ياأحلى قمر...

ضد التيار يقول...

اولا كل سنه وانتى طيبه عارفه انها متأخر لكن ظروف سفرى هى السبب )):

ثانيا بقى اشكرك على تذكرك ليا فى المدونه التانيه و بقولك انتى اللى وحشانى مووووووووووت

على فكره انا اتذكر اسمى مرتين بقى فى البوست دا ايوة ماحدش قدى نياهاهاهاهاها

دايما شريره انا D:

بس بجد وحشتيييييييييييينى بفزاعه و موت وجدا وجامد قووووووووووووووى و زياده عليهم كلمه خااااااااااااااااااالص

اممممممم عرفتى انا مين بقى (:

فكرى شويه وهاتوصلى سكتم بكتم بقى

يلا اروح اشوف الجديد بتاعك

بحبك فى الله يااحلى كريمان

قطرات من شواطئ الحياة يقول...

أكون أو لا أكون
وانت طيبة و جميلة و متألقة دائما و أبدا
دمت بخير :)
________________

ضد التيار
حمدالله عالسلامة يا جمييلة
اما بالنسبة لإني 1كرتك مرتين فيمكن أكون خمنت صح أو غلط بس في كل الأحوال انا بحترم خصوصيتك و مش حفكر مين بماانك عملتي مدونة جديدة عشان تاخدي حريتك أكتر
كل سنة و انت طيبة و جميلة
و دمت سالمة و بألف خير :)