3‏/12‏/2008

و من الحب ما قتل


تلقت خبر وفاته..
فابتسمت..
و كالعادة لم تصدق..
فلها قدرة غريبة على إنكار و تكذيب كل ما تسمع
لا ألومها .. فكل من حولها ممثلون بارعون .. يرتدون أقنعة سميكة معتقدين أنها تحجب حقيقة وجوههم
و لكن هيهات .. فقد كشفتهم واحدا تلو الآخر
و منذ تلك اللحظة لا تصدق شيئا قط !
تلقت خبر وفاته .. فابتسمت و نظرت الناحية الآخرى و هي تهمهم : أغبياء كعادتهم لا يملكون سوى تلك الحيل القديمة
يريدونني أن انهار و سأقتلهم بثباتي
ثم قالت لهم ..
نعم قد مات .. أنا قتلته
صدمها رد الفعل : البعض يحدق لها فاتحا فاه على مصراعيه .. و البعض يصرخ في وجهها و البعض الآخر يضيف الوقود إلى النار متهمها بالخيانة ومطالبا بقتلها
بدأت تشك أهذا مشهد من مسرحياتهم المتقنة كما تعودت منهم.. أم أنهم على حق منذ البداية
من هول الموقف سكتت.. و بكت
لم تكن تعلم أنه حقا قد مات مقتولا .. و أنها بالفعل هي التي قتلته .. نعم قتلته بقسوتها .. بإهمالها حبه .. و استهانتها بكل ما يقول .. أو رفقا بها لنقل أن الجاني هو نفسه المجنى عليه.. فقد قتل نفسه بحبه لها
______________
كريمان زمزم
31-7-2008

هناك 31 تعليقًا:

مولان يقول...

يبنتي احنا داخلين علي عيد

يعني غطسانه وترجعي علي قتل

ازحل انا كده ومش هديكي مثاثه

بجد بوست مؤلم

كل سنه وانتي طيبه ياقمر

قطرات من شواطئ الحياة يقول...

مولاااااااان
لأ ماليش دعوة أنا عايزة المصاصة :'(
و إلا البوست الجاي حخليه مصاصة دماء P:

و بعدين إيه دا إنت ساكنة على النت وللا إيه ؟؟

Dr.Maha Salem يقول...

طب يا ترى النيابة وصلت وحققت في الجريمة واخدوا الاقوال من المشتبه فيهم؟
والصحافة والاعلام اكيد ما صدقوا وطلعوا اشاعات!!!

P:

قطرات من شواطئ الحياة يقول...

د\مها
طبعا طبعا .. أهم حاجة الإشاعات ;)

جوجو يقول...

السلام عليكم

ازيك ياكوكى كل سنة وانتى طيبة ياقمر

بوست حزين اوى ليه الحزن ده

بس اكيد طبعا هى اللى غلطت لاْنها جرحته اووووى واهملت حبه ليها بس مش جايز مكنتش بتبادله نفس الشعور

تحياتى

قطرات من شواطئ الحياة يقول...

جوجو
معلش بقا شوية ضحك و شوية حزن
ماهو لازم ندوق الحزن عشان نحس بحلاوة الفرحة
كل سنة و انت طيبة مقدما :)

أحمد حشمت يقول...

أعتقد ده القتيل بتاع الشجرة اياها
فاكراه
...............
http://ahmedhishmat.blogspot.com/2008/10/blog-post_28.html

قطرات من شواطئ الحياة يقول...

أحمد حشمت
ملحوظة رائعة .. أحييك !

mohamed ghalia يقول...

نعم ومن الحب ما قتل
كل سنة وانتى طيبة
عيد مبارك
تحياتى

romansy يقول...

ومن احب ما قتل
ومن الحب من احيى امم
واحيى قلوب
فان كان قتل الفا
فقد احيا الالاف
ولكن يبقى الحب بقسوته نحب
برقته نحب
فهو الحب كما تعودنا عليه

قطرات من شواطئ الحياة يقول...

محمد غالية
شكرا لمرورك
كل عيد و انت بخير

قطرات من شواطئ الحياة يقول...

رومانسي
ما أجمل تعليقك !!

Dr.Maha Salem يقول...

هو كله قتل قتل قتل
مافيش شتيمة؟
:D
رجاء خاص:المرة الجاية لما تكتبي بوست ابقي ارسمي الصورة بفرشتك انتي

اكيد هيعطي الموضوع جمال وروعة اكتر

قطرات من شواطئ الحياة يقول...

DR.maha salem
lol very nice comment da7akteeny :D
isA next time i'll draw it by myself :)

ahmed_k يقول...

ياااااه فعلا من الحب ما قتل
كل سنه وانتي طيبه يا كريمان
وعيدكم مبارك

قطرات من شواطئ الحياة يقول...

ahmed_k
thanks for passing by my page
happy feast for u and your family

roufi يقول...

من أجمل ما قرائته لكي خاصة انك حللتي نفسية واحدة محتاجة احساس عالي لفهم شعورها من جواها مش من كلامها ولا اعترافها بالخطأ
زي جرايم قتل كتير بيكون الجاني فيها محتاج يتعالج قبل ما يتحاكم بس للأسف محدش عنده وقت يدخل في قلوب الناس وخاصة انه سهل اوي الحكم بالدليل
وصعب اوي الحكم بالضمير

ماهو لو كل حبيب حاول يفهم سبب غدر حبيبه بيه وصمم انه يعالجه وبعدين يسيبه ويسامحه
بدل ما ينتقم منه ويحاكمه
هتزيد صفات الحب وتقل جرايم القتل وتفهم باقي البشر معني التسامح اللي بجد

جميلة اوي يا كاري ومثيرة للجدل والاجمل انك تقمستي الشخصية بنجاح فزادت واقعية القصة

كل عيد أضحي وإنتي بخير بعيدا عن الشر والقتل والكره
ashraf

صباح الصباح يقول...

اعجبنى كثيرا خاتمة القصة


لعلنا من فرط ما نحب شخصا ان نقتلة من شدة حرصنا علية او بالغيرة القاتلة والتى تسرى كالنار فى الهشيم

تحياتى ايضا لجمال انتقء المفردات

هييييييييييي


بيب بيب عيد سعيد يا كيمو ومعايا العيدياااااااا

77Math. يقول...

جميلة جدًا : )

تسلم إيدك ..

د. محمد رضــــا .. هل تراني يقول...

اه والله مين سمعك يا كاري

من الحب ما قتل وصلب وانزف الدماء وادمع العيون وقطع الفؤاد


كل سنة وانتي طيبه يا عسل

ينعاد عليكي بالخير والبركه

قطرات من شواطئ الحياة يقول...

أشرف
تعليق جميل جدا
و كل عيد و أنت بخير

قطرات من شواطئ الحياة يقول...

صباح الصباح
لعلنا من فرط ما نحب شخصا ان نقتلة من شدة حرصنا علية او بالغيرة القاتلة والتى تسرى كالنار فى الهشيم
ما أجملها كلماتك
كل عيد و أنت طيب و بصحة و هنا

DoNyA يقول...

الرائعه دوما
كريمان
بوست تعدي خطوط الاحساس
فقد احسست جدا بشعور هذه الفتاه
وقسوة الخبر عليها برغم من الامبالاه التي قدمتها باول الامر
الا انه شعور قاتل احست به
ما اقساه ان تفقد شخص كان يمثل لك الحياه فما للحياه معني بدونه
فعزاءً لها فية
ومودتي لك
كوني بخير

قطرات من شواطئ الحياة يقول...

د\محمد رضا
أشكر مرورك و تعليقك
بس يا ريت نشيل يا عسل دي :)
و كل عام و أنت بخير

قطرات من شواطئ الحياة يقول...

دنيا الرائعة
تعليقاتك دائما مميزة .. فلا تحرميني منها
دمت مدونة رائعة مبدعة دائما و أبدا

قطرات من شواطئ الحياة يقول...

77 math
أهلا بك في عالمي الصغير
و شكرا لاهتمامك و تعليقك :)

sabrina يقول...

بجد جميييييييييييلة
لكي بونبوني وشكولاتات
أضحي مبارك

قطرات من شواطئ الحياة يقول...

sabrina
thanks for ur very nice comment
happy 5arouf :)

afew good men يقول...

لم تكن تعلم أنه حقا قد مات مقتولا .. و أنها بالفعل هي التي قتلته .. نعم قتلته بقسوتها .. بإهمالها حبه .. و استهانتها بكل ما يقول .. أو رفقا بها لنقل أن الجاني هو نفسه المجنى عليه.. فقد قتل نفسه بحبه لها


==================================

لماذا دائما خياران

لماذا لا نريد ان نصف انفسنا احيانا بالقتلة

لابد ان نضع انفسنا في المكانين

لانه اكيد

لن نعلم اننا قتلة الا اذا وضعنا فعلا مكان القتلة

لاننا عزيزتي لسنا دائما ابرياء

اشتقت الي كلماتك

تحياتي

قطرات من شواطئ الحياة يقول...

a few good men
لابد ان نضع انفسنا في المكانين
لانه اكيد
لن نعلم اننا قتلة الا اذا وضعنا فعلا مكان القتلة

لاننا عزيزتي لسنا دائما ابرياء

كلمات رائعة أصابت الهدف !

غير معرف يقول...

تيب ايش نعمل لو كنت احب واحد ويجي واحد تاني يقول انا احبك وهوا يدري اني احب غيرو ؟؟