28‏/2‏/2009

عله يأتي !



بقالي أكتر من شهر مش بدون .. أسعدتني جدا التعليقات اللي وصلت بتسأل عني.. و رجعت بس عشان وحشتوني و وحشتني مدونتي و مدوناتكم
حنزل حاجة كتبتها في عيد الحب بس قبل ما تقروها عايزة أوضح إني مش بحتفل بعيد الحب و مش باعترف بيه كعيد للمسلمين .. بس هي مجرد خاطرة خيالية كتبتها على لسان أي حد تاني

_____________________________________________



في عيد الهوى تركتني أبحث عنك في ثنايا وحدتي .. فلا أجدك
تدق الساعة اثنتى عشرة دقة .. ينبض معها قلبي ضعفين
أحدق في هاتفي .. أنتظر رنينه لأرى حروف اسمك تنير وحشة غرفتي
فلا يرن ..
أفتح نافذتي على مصراعيها.. علني أجدك تنتظر تحتها مع باقة ورد منسقة كما فعلت في يوم ميلادي ..
فلا أجد في وجهي سوي الرياح و الثرى
أغلقها بعنف و أتنهد
أتفقد بريدي الالكتروني ..
علني أجد منك وردة .. أو حرفا .. أو حتى رسالة فارغة
تخذلني كل محاولاتي
و تخذلني أنت
أتذكر
لم نحتفل به معا أبدا
فنحن ندرك في أعماقنا استحالة الحب بيننا
وإن تمادينا في ذلك الحب فلأننا نيقن استحالة استمراره
ربما من أجل ذلك كنا نتجنب دائما ذكر ذلك العيد
أو ربما ذكرناه في عهدنا الأول و احتفلنا به كعاشقين جنهما الوله
كنا مازلنا صغارا لا ندرك غدر الحياة .. و غدر القلوب أيضا
ستحدثني غدا و كأن شيئا لم يكن ..
و تسألني فيما قضيت تلك الليلة
و بكل برود سأجبك بأني على ما يرام .. قضيتها أرسم طفلا تائها ثم نمت مبكرا
ستكون واثقا بأني أكذب ...
نعم أكذب ..
فأنت تعلم كم انتظرتك و احتجت صوتك ليدفئني
و كم بقيت أنت قابضا على هاتفك في محاولات خبيثة لتحدثني
أتساءل : لماذا نتفنن دائما في تعذيب بعضنا البعض؟؟
أتراه حبا ؟؟
ليته لم يكن
منذ تلك اللحظة قررت أن أرتدي نفس القناع السخيف الذي ترتديه أنت
فها أنا لا أبالي
وإن كنت أنتظرك فبتلك الابتسامة العريضة على وجهي
و إن اغرورقت عيناي بالدمع فسأضحك رغما عني و أكمل التحدي

ما زلت أنتظرك ..
نعم أبكي .. و لكن عاهدتني بسمتي ألا تفارقني
أنتظرو أبتسم
أرى السراب
فأبكي و ابتسم
انتظر اللاشيء
ومازالت تلك الابتسامة رابضة على وجهي
أنتظر حتى تدق الساعة اثنتى عشرة دقة آخرى معلنة يوما جديدا
فلا أيأس و أنتظرك تحدثني لتسألني عن الأمس فأكذب و تكشفني
و ما زلت أنتظر!!


هناك 37 تعليقًا:

جوجو يقول...

السلام عليكم
ازيك ياكريمان

حمدلله على سلامتك ياقمر يارب تكونى بخير

رقيق اوى البوست

بس اجدع حاجة انك مش بتياْسى ومتفائلة

ربنا يكرمك

تحياتى

إيناس حليم يقول...

مش عارفة أقولك ايه
بجد من أروع الحجات اللي قرتها عندك

بس صديقيني مش دايما المنتظَر بيبقى يستاهل عذاب الانتظار..

تحياتي لكلماتك الرقيقة دوما..

mohamed ghalia يقول...

حمدا لله على السلامة
كلماتك فى منتهى الروعة
وإحساسك عالى قوى
دمتى بكل الود

قطرات من شواطئ الحياة يقول...

جوجو
الله يسلمك أنا بخير الحمدلله
أما عن البوست فلا حياة مع اليأس يا جوجو
شكرا لمرورك و دمتي بكل الود

__________

إيناس حليم

معاكي فإن كتير المنتظر بيبقى لا يستحق عذاب الانتظار
بس ف نفس الوقت في ناس بتجد لذة في العذاب ده زي بطلة الخاطرة اللي عارفة إنها منتظرة حاجة مش حتحصل و بردو لسا بتنتظرها .. زي الناس اللي بتعشق السير خلف السراب!
تحياتي لكِ و لا تحرميني من مرورك

_________________

محمد غالية
أشكر مرورك و تعليقك !

romansy يقول...

عزيزتى
ما ارق كلاماتك التى تملى القلوب بالحب والوفاء والاخلاص
الى الحبيب الغائب ولكن سوف ياتى لعله يجد الامان بين يديك
حمد الله على سلامتك
ووحشتنا كلاماتك الجميله
ويارب دايما تحققى احلامك وتفضلى معانا فى عالمنا اللى دايما بنهرب فى خيالنا علشان نقدر نحقق جزء من احلامنا

ahmed_k يقول...

حمدالله على السلامه يا كريمان
ونورتي البلوج من تاني
وربنا يكرمك بالحب اللي مفيهوش إستحاله
ويجعل كل أيامكم عيدا للحب

كلماتك رقيقه كعادتك
دمتي بكل خير

قطرات من شواطئ الحياة يقول...

رومنسي
شكرا لمرورك و لسؤالك
جميل تشبيهك لعالم التدوين إنه عالمنا اللى دايما بنهرب فى خيالنا علشان نقدر نحقق جزء من احلامنا
تحياتي

قطرات من شواطئ الحياة يقول...

ahmed_k
ده نور زوار المدونة
شكرا لتعليقك و اهتمامك
كل التحية

afew good men يقول...

مش بتسأللي من فترة وتفاجأت ببوستك الاخير

عموما حمدالله عليي السلامة

عيد الحب مشعارف عنو حاجة السنادي نظرا للظروف الاقتصادية السيئة

دايما التفاؤل بيكون كويس

وحشتنا كلماتك

3ali يقول...

very nice
=)

elsha3er يقول...

ياة حمدالله على السلامة بس اية العودة القوية دى

ما تتأخريش علينا تانى


تحياتى


احمد الشاعر

صباح الصباح يقول...

اختى الصغيرة كيمو ما زالت مكتئبة
المرة دى طولتى جدا جدا

اية دة فين كيمو القوية

شيماء الجمال يقول...

حبيبتي
كل عيد حب و انتي طيبة :)
خاطرتك جميلة ..ووحشني رسمك

شريـــــــــف يقول...

كلمات جميله
واحساس عالي



تحياتي,,
شريـــــــــــــف

كيــــــــــــارا يقول...

حمد الله علي السلامه ياقمر

والخاطره روعه وحساسه زي صاحبتها :)

hérisson يقول...

جميلة اوي يا كاري وخاصة اني بقالي كتير ما قريتلكيش حاجة من النوع ده اللي فيه صراع القلوب وامل في الاخر زي
وماتت الزهرة
رحيل بلا وداع
خواطر في جوف الليل

الخواطر والكلمات والافكار اللي ماتطلعش غير منك

وعجبني اوي انك اضهرتي وسائل اتصال تعتبر دخيلة علي اللغة العربية بس الحق يقال اجدتي التعبير باستخدمها وزادت كلماتك واقعية ومعبرة جدا عن واقع انهاردة زي

أحدق في هاتفي
اتفقد بريدي الالكتروني
اجد منك وردة او حرفا او حتي رسالة فارغة

و في تعبيرك
عيد الهوي
جميل اوي

مبدعة يا كاري كعادتك
استمري وماتحرميش الناس اللي اتعودت علي خواطرك

آه وكفى يقول...

عرفة انا بكره عيد الحب ليه
عشان الواحد بجد بيكون لوحده زي الكلب الاعور الحزين احساس حيوان

قطرات من شواطئ الحياة يقول...

a few good men
أعتذر عن غيابي الفترة اللي فاتت
ها قد عدت
شكرا لمرورك و اهتمامك

_____________

3ali

u r welcome

_____________

أحمد الشاعر
إن شاء الله مش هغيب تاني
شكرا لزيارتك

_______

قطرات من شواطئ الحياة يقول...

صباح الصباح
و تهدينا الحياة أضوائا في آخر النفق تدعونا كي ننسى ألما عشناه
نستسلم لكن لا مادمنا أحياء نرزق .. مادام الأمل طريقا فسنحياه :)

_____________

شيماء الجمال
وانت طيبة و بخير
و عشان تعليقك الجميل ده البوست الجي حنزل كام لوحة من لوحاتي عشان خاطرك بس :)))

______________

قطرات من شواطئ الحياة يقول...

شريف
شكرا لمرورك و تعليقك
تحياتي

___________

كيارا
الله يسلمك يا كيكي
مرورك جميل زيك ماتحرمنيش منه

_______________

د.خالدأمين يقول...

الانتظار دائما دائما افضل من التعجل والانخداع



ارجو ان اكون دائما زائراهنا وان تقبليني

بصي بقي من الاخر


انا هنا هنا غصب عن اي حد ومحدش هيقدر يحوشني خالص
والبوست بجد جامد اخر بتاعه دي اسمها ايه
اه اخر حاجه


سلام عليكم

عاشقه الرومانسيه يقول...

جميييل
تسلمى ويسلم قلمك وكلماتك
وحشتينا ياقمر

mahasen saber يقول...

رجعتى ببوست لعيد الحب مش عشان تحتفلى بعيد الحب
وانما لان انتى جواكى كمية حب تغطى العالم بحاله وتدفيه كمان

نورتى يا حبيبتى
ويا رب دايما فى افضل حال

مـجـنـووون يقول...

حمدالله علي السلامه

ويا رب تكوني بالف خير

وتسلم ايدك علي الموضوع الجميل


تقبلي مروري
مجنووون

DoNyA يقول...

طالت الغيبه
وكما انتظرته
كنا بانتظارك دائما

اعلم جيدا هذا الشعور
وتلك الامبالاه المصطنعه
والابتسامه التي تقضي ليلتك تصنعيها قناعا لك كلما رأيته

اعلم جيدا هذا الشعور الخفي
الذي تحاولي يوما بعد يوم مقاومته

ولكنه سيأتي اليوم
الذي يخالف فيه كل القواعد
ويكسر قوانين المواد الحافظه
ويثور علي القواعد الامنيه

ويأتي اليك
حاملا حبه ملفوفا بالازهار
ليقدمها بين يديك

اقصوصه يقول...

خاطره جميله

كلماتها نابعه من القلب

سعدت بمروري على الكلمات :)

اقصوصه يقول...

تدوينه جميله

ما في احلى من الامل

ودايما التفائل هو العلاج السحري

لك معضلات الحياه :)

Dr.Maha Salem يقول...

قد يمنح الحلم ما لا يمنح الأجل

قطرات من شواطئ الحياة يقول...

herisson

تعليقك أو بمعنى أصح تحليلك الرائع لخاطرتي شرف كبير ليا
تعليق مميز كعادتنا و وجهة نظر مختلفة
شكرا لمرورك و تقديرك

_______________

آه و كفى

أهلا بمرورك الأول على المدونة
و أرجو ألا يكون الآخير
تحياتي لكِ
______________

قطرات من شواطئ الحياة يقول...

عاشقة الرومانسية

وحشتيني أكتتتتتتتتر :):)

_____________________

مجنون

أهلا بك مرة آخرى
أنا بخير الحمدلله
شكرا لاهتمامك و سؤالك

قطرات من شواطئ الحياة يقول...

د. خالد أمين

و عليكم السلام و رحمة الله و بركاته
محدش يقدر يحوشك
نور المدونة في زوارها
أهلا بك في أي وقت
و يا رب تزورنا دايما

________________________

دنيا

تعليقك في حد ذاته بوست لوحده
ما أجمله ! و ما أجمل احساسه و تفاؤله !
دمتِ مبدعة كعادتك

_____________

reem mostafa يقول...

مقتبس:
"أتساءل : لماذا نتفنن دائما في تعذيب بعضنا البعض؟؟"

و أتسائل أنا : لماذا حقا يتفنن بعض العشاق في ذلك؟؟ هل التعذيب نوع آخر من أنواع الحب ؟؟
قد ظننته دليلا على الكره .. و لكنه يبدو العكس تماما

كلماتك رائعة و احساسك منفرد

دمتي مبدعة و مخلصة لمن تحبين

قطرات من شواطئ الحياة يقول...

الرائعة محاسن صابر

وحشتيني :)
تعليقاتك قريبة من قلبي دائما
فلا تحرميني منها
دمت بكل الود و الخير و الحب

_______________

أقصوصة

تعليقين أجمل من بعض
أشكرك عليهم
و فعلا التفاؤل هو دايما العلاج السحري
تقبلي مني فائق احترامي

wafaa يقول...

رائعة صادقة حساسة كعهدنا بك دائما
بلاش تغيبى كده تانى
وحشنى كلامك اوى

mahasen saber يقول...

قطره الحبيبه اخبارك ايه يا جميله

يا رب تكونى بالف خير

حبيت اتطمن بس عليكى يا حبيبتى

كيــــــــــــارا يقول...

فيييييييييييييييينك

Hossam يقول...

حسيت انك عندك درجة عاليه من التفائل بجد عجبتنى اوى
البوست جميل اوى
تحياتى صديقتى
سلام