الفساد السياسي (منقول)

سأل طفل والده : ما معنى الفساد السياسي

فأجابه : لن أخبرك يا بني لأنه صعب عليك في هذا السن
لكن دعني أقرب لك الموضوع

انا اصرف على البيت لذلك فلنطلق علي اسم الرأسمالية .

و امك تنظم شؤون البيت لذلك سنطلق عليها اسم الحكومة ...

و انت تحت تصرفها لذلك فسنطلق عليك اسم الشعب ...

و اخوك الصغير هو املنا فسنطلق عليه اسم المستقبل ...

اما الخادمة التي عندنا فهي تعيش من ورائنا فسنطلق عليها اسم القوى الكادحة …

اذهب يا بني وفكر عساك تصل الى نتيجة .....

و في الليل لم يستطع الطفل ان ينام من كثر التفكير
فنهض من نومه قلقا و سمع صوت أخيه الصغير يبكي فذهب اليه فوجده بل حفاضته
ذهب ليخبر امه فوجدها غارقة في نوم عميق ولم تستيقظ
و تعجب أن والده ليس نائما بجوارها
فذهب باحثآ عن أبيه
فنظر من ثقب الباب الى غرفة الخادمة فوجد أبوه معها و .. !؟

وفي اليوم التالي

قال الطفل لأبيه : لقد عرفت يا أبي معنى الفساد السياسي
فقال الوالد : وماذا عرفت ؟

فقال الطفل :
عندما تلهو الرأسمالية بالقوى الكادحة وتكون الحكومة نائمة في سبات عميق
فيصبح الشعب قلقا تائها مهملاً تماماً
ويصبح المستقبل غارقا في القذارة

منقول

يا تلاميذ غزة علمونا

يا تلاميذ غزةعلمونا
بعض ما عندكم فنحن نسينا

علمونا بأن نكون رجالا
فلدينا الرجال صاروا عجينا

علمونا
كيف الحجارة تغدو
بين أيدي الأطفال ماسا ثمينا

كيف تغدودراجة الطفل لغما
وشريط الحريريغدو كمينا
كيف مصاصة الحليب إذا ما اعتقلوها
تحولت سكينا

تلاميذ غزة
لا تبالوا بإذاعاتنا
ولا تسمعونا
اضربوا
اضربوا بكل قواكم
واحزموا أمركم
ولا تسألونا

نحن أهل الحساب والجمع والطرح فخوضوا حروبكم واتركونا

إننا الهاربون من خدمة الجيش فهاتوا حبالكم واشنقونا

نحن موتى لا يملكون ضريحا
ويتامى لا يملكون عيون
اقد لزمنا جحورنا وطلبنا منكم أن تقاتلوا التنينا

قد صغرنا أمامكم ألف قرن خلال شهر قرونا

يا تلاميذ غزة لا تعودوالكتاباتنا
ولا تقرأونا

نحن آباؤكم فلا تشبهونا
نحن أصنامكم فلا تعبدونا

نتعاطى القات السياسي والقمع ونبني مقابرا وسجونا
حررونا من عقدة الخوف فينا
واطردوامن رؤوسنا الافيونا

علمونا فن التشبث بالأرض
ولا تتركوا المسيح حزينا

يا أحباءنا الصغارسلاما

جعل الله يومكم ياسمينا

من شقوق الأرض الخراب طلعتم
وزرعتم جراحنا نسرينا

هذه ثورة الدفاتر والحبر
فكونوا على الشفاه لحونا
أمطرون ابطولة وشموخا

إن هذا العصر اليهودي وهم
سوف ينهارلو ملكنا اليقينا

مجانين غزة ألف أهلا
بالمجانين إن هم حررونا

إن عصر العقل السياسي
ولى من زمان فعلمونا الجنونا

نزار قباني 1988

My Sweeet 19 :D

27 إبريل يوم تاريخي عظيييم بيوافق مصايب كتييييير زي اعتراف بريطانيا بدولة اسرائيل و احتلال ألمانيا لأثينا في الحرب العالمية التانية و ظهور الفيروس العالمي تشارنوبلز ... مش يوم نحس ولا حاجة عشان بردو حصلت فيه حاجات عظيمة أكتر أولها إني إتولدت ;-) و اتولد هربرت سبنسر الفيلسوف البريطاني الشهير و فيه تم اختراع أول فأرة كمبيوتر من شركة زيروكس و وضع فيه بيتهوفن آخر مقطوعاته الموسيقية Für Elise و آخيرا هو يوم استقلال توجو و سيراليون و عيد الحرية في جنوب أفريقيا

ده غير إنه كتيير بيوافق تغيير التوقيت الصيفي و بياكلوا عليا ساعة في عيد ميلادي

عيد ميلادي السنة دي اختلف شوية عن كل سنة... يعني مثلا الsurprise party كانت المرة دي في الجامعة مش عندي في البيت ... و امتد الاحتفال لغاية شهر 5 ... و احتفل بيا صحاب المدرسة و صحاب الجامعة ...

عايزة أشكر كل اللي افتكروني في اليوم ده :
أولهم نورا أنتيمتي وحبيبتي و أغلى صديقة عندي أول واحدة قالتلي كل سنة وانت طيبة الساعة 12 بالدقيقة و أخدتني كوستا ستانلي الكافيه المفضل عندي و فاجئتني بالهدية اللي جواها هدية جواها هدية جواها هدية و كانوا أحلى 4 هدايا اليوم ده ..

و شكر من قلبي لحلا صديقتي السورية الجميلة أرق بنت في الدنيا لما كلمتني يومها حسيت إن سوريا كلها بتحتفل بيا و كان نفسي أدخل جوا التليفون عشان أوصلها و أبقى معاها نحتفل مع بعض

وللا سارة هاني أحب صديقاتي في الجامعة والسمكة الزرقا الي جابتهالي و سميتها (روو) و الفلاش ميموري وأرق دبدوب وللا الأغنية
اللي بعتتهالي وعارفة إني بحبها من صغري ( مرة سألت الأستاذ أرنب ليه مانتاش لابس نضارة ) D: بجد يا سارة خلتيني أسعد إنسانة في الدنيا في اليوم ده و مش لاقية كلمة شكر أقدر أقولهالك غير إنك إنتي لوحدك هدية

أحمد أخويا و أحلى هدية من ديزني و الرابينج الأسود (لوني المفضل)

لبنى صديقتي الفرنسية الجميلة و اللي عملته هي و سارة عشاني في الفود كورت و الدبدوب " نكشو" اللي بيبص عليا دلوقتي و أنا بكتب je vous remercie de tout mon coeur ma chere Lobna

أما إسلام محي الدين اللي بيعلمني الرسم في الكلية ليه شكر خاص على الرسمة اللي رسمها عشاني واهداها لي في يوم ميلادي
وأشرف زميلي في الجامعة و الزجل الجميل اللي كتبوا عشاني بعنوان "زي النهارده"

و شكر لرانا و باسنت و نهى و هبة و شيماء و روان على اللي عملوه عشاني و لرانا اللي خلت الفيس بوك كله يغني و يرقص معاها

سارة ربيع من كـــندا و التورتة اللي جواها ... مس حقول جواها إيه هي عارفة ;-)

و منة كمان و هديتها الجميلة رغم إنها لسة زعلانه

أميرة عمار و إسراء و إنجي و أسماء أصدقاء المدرسة و معايادتهم الجميلة

و من قلبي بشكر كل الي عيدوا عليا و أتمنى ماكنش نسيت حد:
أصدقاء المدرسة :
نورا , إسارء, أميرة , إنجي , أسماء , نهال علاء, ندى عبد العظيم , نهال البنا , إيمان منسي , مونيكا نبيل , نوران ممدوح , لمياء , زينب , فيرنا , نرفان , ياسمين الحصري ,ياسمين أكثم , رال عادل , بروين , نهال الخولي , فريدة هشام , سها مصطفى , ميريل شوكت , نورهان حاتم , ندى ماجد , ديانا أبادير , ريتا , مايسة و باسنت الخولي
و من الدفع اللي أصغر مني :
راجية البنا ,ياسمين حمزة , إنجي خفاجي , فريدة هاني , روان هشام , علا عصام , سارة ماكسيموس, جهاد حسين و ماجي سمير
و من الدفعة الأكبر :
غادة مصطفى , نهلة عبد الناصر و ميرا جرجس
أصدقاء الجامعة :
سارة هاني, لبنى الموجي, رانا إبراهيم , باسنت عبد الله , نهى نادر , هبة الخولي , شيماء عشرة , ميليس فارس محمد , نادين مجدي , أمنية محمد ,ملك علي , نهلة مبروك, آلاء خليل , أشرف ثروت, المعيدة هبة شريف و المعيدة ساندرا.
صديقات و زملاء خارج الدراسة:
باسنت علي, سلمى بلال, ندى أيمن (هاري أب) , مينا مختار , عادل سعيد , يحي رشدي.

الصور دي أخدتها يوم عيد ميلادي
و عشان يبقى ختامه مسك شكري الآخير لأمي أحلى أم في الدنيا مش عشان بس عيد ميلادي عشان كل حاجة عملتها عشاني

إضراب 6 إبريل في الاسكندرية من وجهة نظر "غيـــــر المضربين"

بعيدا عن أحداث المحلة و الهمجية و غيره إضراب 6 إبريل في الإسكندرية كان سلمي جدا... مش حكتب عن المضربين و لا عن الأحداث زي مالمعظم كتبوا حكتب عن حاجة مختلفة شوية .... بما إني ما أضربتش و نزلت الشارع و رحت الجامعة وحضرت كل المحاضرات حتكلم عن الناس اللي ما أضربتش ... و إيه الأسباب الي دفعتهم لغدم المشاركة

- الاسم رياض
المهنة حارس عقار
ما أضربتش ليه يا عم رياض؟
"إضراب إيه و بتاع إيه بس ... إحنا مضروبين خلقة"

-عبد الستار
كمسري ترام
" آه لو كل كمسري كان أضرب اليوم ده كنا خسرناهم أد كده ... بس هما قالولنا اللي مش حيجي حياخد جزا"

- إيمان
مدرسة ابتدائي
" نضرب إيه؟ اتعلقت ورقة في المدرسة بتأكد إن اللي مش حيجي حيتخصم من مرتبه .. واحنا بصراحة مش ناقصين"

- أ.د\محمد عبد السلام
دكتور في جامعة فاروس (مدرس اللغة الإسبانية)
" أنا يا سينيوريتا لو عايز أعمل حاجة حقيقية هجمع الطلبة و نثور مع بعض و عملتها قبل كدة .. بس أنا النهاردة لو أضربت لوحدي مش هبان .. و بعدين احنا مش في جامعة حكومية"

-أ\ شيماء
مدرسة لغة إنجليزية في جامعة فاروس
"أنا نزلت أهو لابسة أسود عشان يفتكروني تبعهم و مايقربوليش بس كان لازم أدي المحاضرة النهاردة"

دعاء
طالبة في جامعة فاروس
" ما أضربتش عشان مش حاسة بالغلاء و شايفة إن كل شيء كويس ... و أوعي تسيحيلي عند بتوع الإضراب لا يجوا يضربوني "

أحمد
طالب في جامعة فاروس" ابقوا قابلوني لو حصل حاجة وللا لو حد سمعهم .. و بعدين معظم اللي قاعدين في بيوتهم مش مضربين دول خايفين ينزلوا عشان المظاهرات"

مواطنين من طبقات مختلفة منهم اللي خايف من الجزا و اللي شايف إن الإضراب مش هو حل والي مش حاسة بالغلاء و اللي مضروب خلقة و مش ناقص

أما أنا بقى ما شاركتش عشان شايفة إن السكوت علامة الرضا و فعلا مش حل إني أسكت واقعد في البيت و أسيبلهم البلد فاضية ... يمكن في البداية قلت مش حنزل بس لمجرد إني كنت خايفة بعد ما كل صحابي فضلوا يلحوا في التيليفون : حيكسرولك العربية أو حيخدوكي عالقسم و شوية تنبؤات فارغة من بتوع المصريين .. الي شجعتني صديقتي لبنى اللي معاها جنسية فرنسية_عقبالي يا رب_و بايعة البلد باللي فيها.. احنا الاتنين بس اللي جينا من الدفعة و رغم كده أخدنا ال 4 محاضرات من 8:30 لــ 4:30 .. أما طلبة سياحة كان لازم ييجوا.. كان عندهم امتحان ولابسين فورمال ... و باقي الطلبة اللي جم ماحضروش و قعدوا في الفود كورت..

في النهاية الفيديو الي فوق صَوَّرته يوم الإضراب فيه شوارع اسكندرية فاضية إلى حد ما و جامعة فاروس هتحسوها فاضية بس هي كده على طول سواء فيه إضراب أومافيش وأخيرا الفود كورت أزحم مكان في الجامعة ...

معادنا القادم مع غير المضربين في 4
مايو و كل سنة و انت طيب يا ريس ;-)

أبو شامة ... ومرشحي الإنتخابات ... و الضحك عالدؤون

ما كنتش دايما بحب أشارك في يوم اليتيم من كل سنة ... كنت بفكر لو انا كنت مكان الطفل ده و ألاقي الناس مرة واحدة في يوم واحد جايين يطبطبوا و يدلعوا و يدوني هدايا و بعدين ماشوفش وش حد فيهم تاني غير السنة اللي بعدها ... ما بحبش أحس إن حد مشفق عليا ولا أحب أتعلق بحد وأصدق إنه حيجي تاني و أستناه و مايجيش ...عشان كده كنت بزورالأيتام في أي يوم غير أول جمعة في إبريل
السنة دي بأة الجامعة استضافت الأيتام عندنا و كانوا عاملينلهم برنامج و كالعادة ماشاركتش بس سارة صديقتي فضلت تلح عليا أعِدّ معاها حفلة يوم اليتيم اللي حتتعمل في حديقة أنطونيادس و حيحضرها 250 طفل لحد ماوفقت في الآخر و سجلتني أورجنايزر
المهم إن سارة هانم جاية يوميها الصبح تقوللي إنهم تبع جمعيات إسلامية.... وأنا جايبة لهم لعب بتغني أيظن.. D:

أما بقا سواق سارة ده حكاية كان لسة أول يوم له فى الشغل اسمه أبو شامة و جي من الصعيد مايعرفش ولا شارع في اسكندرية ولا حتى شارع أبوقير نقوله حديقة أنطونيادس جنب جنينة الحيوانات يقولنا أيوااا جنينة الحيوانات أنا عارفها قولنا الحمدلله راح قاللنا بس آخر مرة رحتها كنت في ابتدائي... حتى بالأمارة كان فيها حيوانات ...
وصلنا المكان ... أطفال كتيير أوي جايين مش أيتام و معاهم أهاليهم سمعوا إن فيه حفلة و هدايا قالو نروح يمكن نطلعلنا بحاجة( هما دول المصريين أبو بلاش كتر منه ) ... كان فيه مسرحيات و فرقة بتغني و مسرح عرائس و إحنا كان دورنا مع مجموعة من الأطفال نعملهم مسابقات و ألعاب و رسم على الوش و غيرهعملنا الأول مسابقة معلومات دينية وجوايز و بعدين لعبنا اللعب التقليدية صياد السمك و التعلب فات و المنديل و الكلب الحيران و الأطفال بقوا يعلمونا لعب جديدة عمرنا ماسمعنا عنها زي قرصة النملة و غمزة و لعبة اسمها شلح بنت خال صلح ... ؛)أخذنا مجموعة من البنات الصغيرين خلناهم يرسموا و يلونوا و يشكلوا صلصال .. في بنات جم يسألونا يعني إيه صلصال افتكرت ساعتها صديقتنا لبنى لو كانت جت معانا كان زمانها قالتلهم صلصال يعني بات آ مودليه ... هههههه أصل لبنى كانت عايشة في فرنسا و نص كلامها فرنساوي و كنا خايفين تيجي معانا تعقد العيال ... :))))
لغاية هنا كله كان ماشي تمام قوي لحد ما جم إتنين من أعضاء مجلس الشعب جايبين في ديلهم مصورين فيديو و بيعدو على واحد واحد يقولوله الأستاذ فلان الفلاني عضو مجلس الشعب و منظم اليوم النهارده و يقول لفلانة أيوة يا حاجة أنا فاكر مشكلتك و مانستكيش و حوارااات فارغة من اياهم عشان يستغلوهم للانتخابات...
خلص اليوم على خير و اتصاحبنا على بسمة و إسراء و مها و ضحى و عائشة و بنات كتيير مش فاكرة أساميهم بس اللي فاكراه كويس أوي البنت اللي جت سألتنا هو في إيه النهاردة الناس ليه عاملالنا كل ده؟؟
رجعت البيت و كالعادة أبو شامة بيقاوح معايا في سكة بيتي مصمم إنه حيدخل يمين أصله عارف بيتي أكتر مني من أيام ما كان في ابتدائي

أول ما دخلت اترميت في حضن أمي و حمدت ربنا على أحلى نعمة مديهالي ...

سنة أولى تدويـــن

قد أبدو صغيرة تتسلل إلى عالم التدوين .. ولكن ها انا أنشأت مدونتي وسأبدأ أولى خطواتي و لعلها تنول الإعجاب
بكل صدق سأكتب هنا ... وأرحب بكل التعليقات و المقترحات

أود في النهاية أن أوضح أصل كلمة blog التي نستخدمها بمعنى "مدونة " دون دراية بمعناها الأصلي
blog اختصار لكلمة web log بمعنى سجل الشبكة و تم تعريبها في مصر (بلوج)

و أخيرا
To Blog OR Not To Blog ... That's the question
;-)