4‏/10‏/2008

وحشتيني !!!



على عتبات الصدفة التقينا بالأمس

اعترف أنني جاهدت لأدير عيناي عنه و لكنهما خانتاني و لم تريا سواه

وكذلك فعل ..

لا أكاد أذكر شيئا سوى لحظة من صمت دافئ ملأنا بالكلام

ابتلعت كلماتي

و كذلك حاول أن يفعل

خذله لسانه و لفظها رغما عنه

نظر إلي حالما و قال

(( وحشتيني ))

تلك الكلمة التي حلمت مرارا أن أسمعها منه

و جاهد طويلا ليخفيها عني

لم يقل سواها و لكنه بها أحصى الكلمات جميعا

لم أسمع غيرها و كأنني أمتلكت الدنيا و ما فيها

و أحلق عاليا عاليا أعانق السحب و ارقص مع الطيور

و بينما انا في تلك الحالة كان ينتظر ردا

لكنه كالعادة لم يجد سوى شرودي و صمتي الأحمق

فرحــــــل

و لم ترحل معه تلك الابتسامة البريئة التي رسمها على شفتاي

و لن ترحل أبدا !!

_________________________________
كريمان زمزم

هناك 37 تعليقًا:

romansy يقول...

اول تعليق


محــــــجــــــوز


ل


رومــــــــــانـــسى

romansy يقول...

والله الموقف دا لما بتتكلمى عنه
حسيت بيه قوى
حسيت بكل كلمه فيه لما طيرتى فى السما طيرنا معاكى
بجد اسلوبك جميل قوى
واحشتينى
قالها وغنت العصافير احلى الاغانى
قالها وطرت بفرح واشواق وخدانى
لعالم كله حب واحلام وامانى

مجلة الأم الصغيرة يقول...

رومانسي
إنك حقا رومانسي !!!! :)
أشكر لطفك و رقة مرورك
بجد أسعدتني
و يا رب دايما أول تعليق ;-)

الريم يقول...

جامد يا كوكى

بس ليه يا بنتى كده

مكنش المفروض تتنحى خالص

المرة الجاية اعملى حسابك

Dr.Maha Salem يقول...

رب صد فة.... خير من الف ميعاد

صباح الصباح يقول...

يا عم يا عم

يا سيدى يا سيدى

اية المشاعر الدفاقة دى

انا باصقف لك تصقيفة كبييييييرة اد كدة

غير معرف يقول...
أزال أحد مشرفي المدونة هذا التعليق.
غير معرف يقول...

خذله لسانه ولفظها رغما عنه

ما هو اللسان ده عليه فلتات تأتي من حيث لا ندري
بس غالبا بنكتشف أن عناد اللسان وإصراره علي إفراز كلمة مهما حاولنا نداريها أحسن قرار ممكن نتخذه في حياتنا ويفتح مجال وأمل لحالة نشوة غير عادية كما ذكرتي

إيه بس الجمال والروعة دي كلها؟
والله الدمعة فرفرت من عيني
وخاصة أن البداية بتدي أحساس بالواقعية والخيال الرومانسي في نفس الوقت
في قولك علي عتبات الصدفة التقينا أمس
تحفة يا كاري أمتعتينا كالعادة
إستمري يا كوكو
ur spirit brother pr toujours
ashraf

ahmed_k يقول...

بصراحه دلوقتي عرفت ليه
البنات بتنح لما حد يقولها كلمه حلوه
أتاري الكلام جواها
ومبيطلعش خالص

شكرا على المعلومه هههههههه

بس كلمات جميله ومعبره وصادقه

دمتي متألقه

مجلة الأم الصغيرة يقول...

الريم
رغم إن هو مش موقف حقيقي بس أنا فعلا بتنح لما حد يقولي كلمة حلوة
و معلك حق لازم أخلي بالي من الموضوع دا عشان الصمت الكتير بيتفهم غلط
شكرا على زيارتك الجميلة .. نورتيني

_________________

Dr.maha
الصدفة أجمل بنقائها و تلقائيتها .. فلقاء من غير موعد يكون غير مصطنع و
و فرحة لقاؤه أفضل من فرحة لقاء بموعد ..
تحياتي لكِ

__________________

مجلة الأم الصغيرة يقول...

صباح الصباح
إيه الاحراج ده ؟؟ $:
المشاعر الدفاقة دي يا سيدي مش حقيقية يعني الموقف دا مش بجد بس ساعات بلاقي مشاعر بتملاني فجأة فبطلعها يا رسم يا خواطر كدا يعني دا كل اللي أعرفه (:
أشكرك بجد
و تبقى أخا عزيزا

______________________

roufi
بجد كلامك أبهرني .. فعلا الكلمة اللي بتطلع لوحدها رغم محاولات عنيدة لكتمها بتكون صادقة أوي و بيبقى لها أثر من نوع تاني غير الكلام المتجهز و المحفوظ
أشكر مرورك و تعليقك و اهتمامك
و دمت سعيدا دائما و أبدا

_____________________

أحمد _ ك
فعلا لما البنت بتسكت بيبقى جواها ألف كلمة بس فيه بردو ألف سبب بسمنعها إنها تقولها
شكرا لزيارتك و لتعليقك الجميل
كل التحية

DoNyA يقول...

اسلوبك هايل جدا
بس ليا رأي ياريت تقبليه
لو كان الموقف اطول من كده وغصتي في تفاصيله مع شويه تحبيشات من الاستعارات والتشبيهات علي غرار - علي عتبات الصدفه التقينا -
اكيد كان النص هيفرق كتير

مودتي
مع اول تعليق اثرتني مصداقيتك في الكتابه

مجلة الأم الصغيرة يقول...

donya
أهلا بزيارتك الأولى, بصدق أسعدتيني (:
بنصائحك سأتقدم .. فلا تحرميني منها !!
تقبلي أرق التحية

كـــيــــــــارا يقول...

لم يقل سواها و لكنه بها أحصى الكلمات جميعا

لم أسمع غيرها و كأنني أمتلكت الدنيا و ما فيها

----------

اللللللللللللللللله الله علي وصفك وكلام بجد ابدعتي

معلش اتاخرت بقي انت عارفه الظروف

تحياتي

كيارا

Unknown يقول...

لم يقل سواها و لكنه بها أحصى الكلمات جميعا

لم أسمع غيرها و كأنني أمتلكت الدنيا و ما فيها


كلام جميل...




،،

مجلة الأم الصغيرة يقول...

كيارا
متابعتك الدائمة تسعدني بحق فلا تحرميني منها :)

____________________

شريف
أهلا بك في مدونتي .. نورتني !

د/ رامي شهاب الدين يقول...

بسم الله

بعض المشاعر جمالها أن تظل دائما مجرد مشاعر

أحيانا قد يكون الصمت أبلغ من أى كلام ، وأحيانا يكون الصمت هو أفضل موسيقى حالمة بين العشاق

لكن هناك من يتحامق ويظن أن الصمت ليس إلا نوع من الجفاء

دمتى بكل خير..تحياتى

أكون أو لا أكون يقول...

يــــــــــــــاسلام إيه الموقف الجميل ده... والوصف الأجمل...
بجد بوست رقيق وشفاف...
يارب دايـــــــــما...

mahasen saber يقول...

مهو طول ما فى حب ولحظات سعاده بالقاء لازم تفضل الابتسامه على الشفاه
استحاله يبقى فيه تعبير تانى
لانها بتطلع من القلب فبتترسم على الوش
الكلمات منتهى الرقى والرقه
يا سلام على وصفك للحاله قبل ما الكلمه تتنطق فعلا شئ واقعى ةرائع ورمانسى ومفعم بالمشاعر فوق الوصف
احساسك عالى قوى قوى
ربنا يديمه نعمه...

mohamed ghalia يقول...

لن يرحل طالما ترك الإبتسامة حتما سيعود.
إحساس عالى قوى
ربنا يزيدك
تقبلى تحياتى وإعجابى بالمدونة
كل سنة وحضرتك بخير

مجلة الأم الصغيرة يقول...

د\رامي شهاب الدين :
أهلا بزيارتك الأولى .. نورت المدونة :)
رائع هو تعليقك و خاصة : "وأحيانا يكون الصمت هو أفضل موسيقى حالمة بين العشاق"
دمت و دام قلمك المبدع

______________________


أكون أو لا أكون:
أشكر كلماتك الرقيقة الصادقة مثلك ..
أدام الله عليك السعادة و الوفق

_______________________

محاسن صابر :
شكرا لمبدعة مثلك مرت من هنا ... وشكرا لحرف رائع كتبتيه في صفحتي ..

_________________________

Mohamed Ghalia
ما أجمل تعليقك !!
أشكر مرورك و كلماتك المعبرة
تقبل احترامي

Sweet Violet يقول...

ايه دا ايه دا ايه دا

لالالالالالالالا بجد حلو قووووى الاحساس اللى فى البوست

لكن النهايه احبط منها

مع انى مش عارفه لو الموقف دا حصل فعلا معيا هاسكت ولا هاتكلم

لكن فى الاغلب هاكون نفس النهايه المحبطه و هاسكت انا عارفه نفسى ):

لا بس بجد بوست حلو مووووت عشت معه بجد وحسيته فعلا

دايما متألقه فى كتباتك

مجلة الأم الصغيرة يقول...

ضد التيار
دايما بنجهز كلام كتير و بيبقى جوانا ألف كلمة بس لما بتيجي لحظتها كله بيتنسى و كأنك طفلا لم يتعلم الكلام بعد ..
مرورك يسعدني :)
حمدلله عالسلامة و ماتغيبيش عننا تاني بقى
بحبك في الله (f)

:)

مـجـنـووون يقول...

كلمات جميلة ورقيقة جدا

رب صدفة خيراً من ألف ميعاد بس لو أستغلنا الفرصه دي أحسن أستغلال

وفي أوقات الصمت بيكون أكبر تعبير من الكلام وكونه ميقدرش يفهم معني صمتك ده يبقي في حاجه مش مظبوطه

تقبلي مروري
مجنووون

مجلة الأم الصغيرة يقول...

مجنووووون
تعليق أصاب الهدف
تقبل احترامي
:)

mahasen saber يقول...

الله يكرمك ايه الكلام الجميل ده
ده وجودى عنك اليى شرف ليا
الف شكر على ذوقك ورقتك...
جزاك الله كل خير...

د. محمد رضا يقول...

ربنا يوفقك ويهنيكي ياكريمان

تحياتي لروحك وقلبك


شخصية عامة ..!

مجلة الأم الصغيرة يقول...

محاسن صابر
تابعتك الدائمة تسعدني
و تبقي أختا عزيزة !!

مجلة الأم الصغيرة يقول...

د.محمد رضا
أهلا بزيارتك الأولى هنا .. علها ليست الآخيرة
أشكر اهتمامك و تعليقك
و ألف مبروك نشر كتابك !
دمت بخير

د. محمد رضا يقول...

الله يبارك فيكي ياكريمان هانم

ايه الاسم الملوكي دا


تحياتي

مجلة الأم الصغيرة يقول...

د.محمد رضا
ربنا يكرمك
أشكر لطفك و تكرار مرورك
أدام الله عليك السعادة و الوفق !

Selfmeaning يقول...

احلى كلمة من حد يسمعها من شخص بيحبه

و الغريبة اننا لما بنسمعها مش بنقدر نكلم بعدها


احييكى على كلامك الجميل و الرقيق يا جميلة

elsha3er يقول...

كلمات جميلة كلها احساس وما احلى كلمة وحشتنى بعد الغياب

احمد الشاعر

مجلة الأم الصغيرة يقول...

self meaning
قريبة من قلبي دائما !!


أحمد الشاعر
أهلا بعودتك أولا
و شكرا لتعليقك الرائع !

ساسو يقول...

بجد كلامك جميل وبرغم من الموقف مش حقيقي بس المشاعر اللي فيه حقيقيه .
المهم اللي يشوف الكلام علي المرأه والدفاع عن المرأه وحقوقها والحاجات دي تحس ان الستات دول ايه ..حديد وجمدين
لكن تيجي تشوف الحقيقه تلقينا من اقل كلمه حلوه تلاقيناضعفنا قدامها و بقينا زي ما بتقولي طيرين في السما
بس مش معنا كده اننا يضحك علينا ..لا
هو يضحك علينا بس مش اوي يعني ...(:

دي اول زياره ليكي بس بجد ان شاء الله مش الاخيره

مجلة الأم الصغيرة يقول...

ساسو
كلماتك أصابت الهدف .. أحييكي !
شكرا لك و أتمنى ان تكرري الزيارة ..
دمت رائعة !

Saadya Arafat يقول...

مبروك عليكى الكلمه "وحشتينى "

دائما ما نفتقدها هذه الكلمه

ربما تذهب ويظل الصمت هو سيد جميع الغات

دمتى متألقه

تحياتى :)