15‏/5‏/2009

امبارح بقى عمري عشرين






27 إبريل يوم تاريخي عظيييم بيوافق مصايب كتييييير زي اعتراف بريطانيا بدولة اسرائيل و احتلال ألمانيا لأثينا في الحرب العالمية التانية و ظهور الفيروس العالمي تشارنوبلز ... مش يوم نحس ولا حاجة عشان بردو حصلت فيه حاجات عظيمة أكتر أولها إني إتولدت ;-) و اتولد هربرت سبنسر الفيلسوف البريطاني الشهير و فيه تم اختراع أول فأرة كمبيوتر من شركة زيروكس و وضع فيه بيتهوفن آخر مقطوعاته الموسيقية Für Elise و آخيرا هو يوم استقلال توجو و سيراليون و عيد الحرية في جنوب أفريقيا


ده غير إنه كتيير بيوافق تغيير التوقيت الصيفي و بياكلوا عليا ساعة في عيد ميلادي


عيد ميلادي السنة دي مختلف أوي... مش بس عشان يومها كان امتحان الميد ترم ولا عشان الsurprise كانت المرة دي في شيليز مش في الجامعة ولا عندي في البيت ... ولا لإن الاحتفال امتد لغاية شهر 5 ... بس عشان تميت عشرين سنة

احساس جديد
خلاص ما بقتش teenager ;)
بس على مين أنا لسا جوايا طفلة عمرها ما حتكبر
ده حتى من الهدايا اللي جتلي لعبة صيد السمك :D


و الصور الى فوق أخدتها يوم عيد ميلادي السنة دي

عايزة أشكر كل اللي افتكروني في اليوم ده :

أولهم نورا أنتيمتي حتى لو مقدرتش أشوفها يومها بس كانت معايا باحساسها و فرحتها و أمنيتها الجميلة علشاني

و بشكر أوي صديقتي الغالية إسراء أول واحدة قالتلي كل سنة وانت طيبة الساعة 12 بالدقيقة

و شكر من قلبي لحلا صديقتي السورية الجميلة الرقيقة أوي لما كلمتني يومها حسيت إن الوطن العربي كله بتحتفل بيا و كان نفسي أدخل جوا التليفون عشان أوصلها و أبقى معاها نحتفل مع بعض

أحمد أخويا و هديته الجميلة

أصدقاء الجامعة بسنت و نهى و رنا و هبة و روان و شيماء و نادين و دينا و ديانا و معيدتنا الجميلة هبة و أحلى surprise عملوهالي في تشيليز و أجمل بسمة رسموها على وجهي

أشرف زميلي في الجامعة أخويا الكبير

لبنى الموجي و أحلى معايدة و أجمل رسالة الساعة 12 بالليل

سارة هاني اللي افتكرتني من امريكا و هداياها الجميلة

سارة ربيع من كـــندا و أحلى دعوة عشان أهاجر عندها ;-)
و من قلبي بشكر كل الي عيدوا عليا و أتمنى ماكنش نسيت حد:

صديقات المدرسة :

نورا , إسراء, أميرة , نهال علاء, ندى عبد العظيم , إيمان منسي , مونيكا نبيل , زينب , فيرنا , نرفان , ياسمين الحصري ,ندا طلعت, كلودين عسال , نهال الخولي , أسماء, نورهان قاسم , مايسة , ايمان بدار, دياينا ابادير , ريهام أسامة , ميلودي أمين ,لينا أمين ,دنيا حمدي, سلمى كلود

و من الدفعات اللي أصغر مني :

ياسمين حمزة , فريدة هاني , روان هشام , علا عصام , آلاء محمد يسري, انجي سرور , روينا مصطفى ,نور حاتم, دانا رمضان, بسنت حسني, ياسمين حمدي

و من الدفعات الأكبر :
سارة دويدار , ياسمين أبو الفتوح, سارة نزيه الشافعي

صديقات الجامعة :

بسنت عبدالله , نهى نادر, رانا ابراهيم. سارة هاني , لبنى الموجي , هبة الخولي, روان زيان, نادين مجدي , ديانا ابراخيم, منة حمدي, شيماء عشرة, المعيدة هبة شريف, أمنية الكريوني, ملك علي , ,آلاء خليل ,ريهام ريرو ,منة حمدي, نهلة مبروك ,لينا عفيفي ,سمية سمير,أسماء حسيب ,أمنية اسماعيل, آية طاحون ,يسرا ابراهيم,مروة السيد ,ماجي بندق ,مي ماهر, دعاء عبد العزيز, ياسمين جازولي, داليا الوكيل , جيلان صالح

صديقات و زملاء خارج الدراسة:
باسنت علي, سلمى بلال , هايدي فوزي , يحي رشدي , محمود اسماعيل, يحي المغربي, دعاء كلاب, شروق محمد,منار رمضان,دينا عبد اللطيف,أميرة هشام,تسنيم عبد العزيز,سمر سليمان, منصف ابراهيم,سمر سمير,هايدي المصري,أسماء مصطفى,سمر سامي,رنا محمد ,فاطمة البربري,ماهي ابراهيم,حفصة محمود,حبيبة محمود

من خارج مصر :
حلا من سوريا , سارة ربيع من كندا , و سارة هاني من أمريكا , فضيلة من الكويت , رال من ماليزيا , نعمة شوقي من السودان

من عائلتي:

أخي أحمد , جدتي , خالي مهاب , أحمد و منى عصام

و عشان يبقى ختامه مسك شكري الآخير لأمي أحلى أم في الدنيا مش عشان بس عيد ميلادي عشان كل حاجة عملتها عشاني

هناك 36 تعليقًا:

romansy يقول...

كل سنه وانتى طيبه
بس متاخره قوى
ربنا يسعدك
ويخليك اصحابك
احساسنا اننا اططفال
دا جميل برضه بس دايما نكون قد المسئوليه دايما برضه

hérisson يقول...

joyeux anniversaire kariman
عقبال مليونين سنة

قطرات من شواطئ الحياة يقول...

romansy
مش متأخرة ولا حاجة أنا اللي نزلت البوست متأخر
شكرل لمرورك و تهنئتك

قطرات من شواطئ الحياة يقول...

herisson
merci pour ta gentillesse et tes voeux
salutations

إيناس حليم يقول...

كل سنة وانتي طيبة يا جميلة :)

كيــــــــــــارا يقول...

كوووووووووووووووووووووووول سنة وانتي طيبه ياعسل

وفنانه كما عهدتكي

فين مثاثتي في الليلة دي

عااااااااااااااا

مش عارفة الدنيا وخداني علي فين يقول...

كل سنة و انتي بصحة وسعادة دايما
و ربنا يخليكي لمامتك و أخواتك و أسرتك و أصحابك الحلوين

كل سنة و انتي طيبة


تحياتي ليكي دوما

mohamed ghalia يقول...

كل سنة وانتى طيبة
ربنا يسعد أيامك دايما

safa7_karmooz يقول...

كل سنة وانتى طيبةةةةةةةةةةةةةةةةة

عقبال ما تكونى كاملة الاهلية

21 يعنى :p

قطرات من شواطئ الحياة يقول...

إيناس حليم
وانت أجمل :)))

___________

كياراااا
والله جاتلي مصاصة على شكل نص برتقالة و قلت آه لو منى تعرف حلاقيها جايالي جري P:

قطرات من شواطئ الحياة يقول...

مش عارفة الدنيا وخداني على فين

أهلا بمرورك
و شكرا لمعايدتك الجميلة :)

_____________

محمد غالية
و يسعدك أنت أيضا إن شاء الله

afew good men يقول...

كل سنة وانتي طيبة
ويارب دايما سعادة
انا اخر واحد بقولها
بس بجد مبسوط جدا باحساسك بالسعادة
يارب دايما

كيــــــــــــارا يقول...

هاتيهاااااااااااااااااااااااااااااااااااا

مليس دحوووووووووووووه

هغرق المدونه بدموووووووووعي

أحمد حشمت يقول...

كل سنة وانت طيبة
وعقبال ميت مليون سنة
..............
الأسماء اللي انت كنباها دي
بتفكرني بالإهداءات في برامج الأغاني
عشان كده ممكن أطلب منك إني اسمع أغنية
هابي بيرث داي تو يو

DoNyA يقول...

كل سنه وانتي طيبه ياقمر
دايما وابدا
تشوفي السعاده في كل خطوه يارب
ويحميلك اصحابك واهلك
ويخليكي ليهم

Sweet Violet يقول...

يعنى اولع فى الجهاز بتاعى ولا اولع فى الجهاز بتاعى انا

لالا سبينى اولع فيه مش تمسكينى

بقى انتى تنزلى العيد ميلاد متأخر و الجهاز اصلا خربان و لسه جايبها امباح يعنى بعد نزول البوست المتأخر ب3 أيام

يبقى اولع فى الجهاز لاو مش اولع فى الجهاز بتاعى و بتاعك دلوقتى

(ايوة بتاعك بردو لانك نزلتى البوست متاخر امال يعنى جهازى بس اللى يتعاقب ولا ايه بلاش تفرقة بقى ^_^ )

خلاص خلاص مش تزقى هقول مش هنسى ده ايه الناس دى ياربى

براحة و كمان بلاش العجلة و آلة التنبيه (اصلها منطقة سكنية نيهاهاهاهاهاهاها )

ييييييييه قولنا هقول من غير زق الله .. مش لازم اطلع عينك شوية يعنى ولا ايه و لاهو نزول البوست متاخر يعدى كده بسهولة

وكمان ايه كل الشكر ده ماكنتى تختصرى و تقول بشكر الوطن العربى وضواحيه وعلى المقيمين خارجه مراعاة فروق التوقيت (رخااااااااااااااااااااامة نيهاهاهاهاها )

خلاص خلاص كفاية رغى بقى انتى رغية كده ليه P:

كل سنة و انتى طيبة ياقمر

و يارب يارب تحقيقى كل اللى بتحلمى بيه (:

قطرات من شواطئ الحياة يقول...

a few good men

مش آخر واحد ولا حاجة أنا اللي أعلنت متأخر
وانت طيب و بصحة و سعادة إن شاء الله


_______________

كياراااااا

طيب ابعتيلي العنوان و أنا حوصلهالك بالدي اتش أل P:
وللا انتي في اسكندرية زيي ؟؟؟

________________


أحمد حشمت

وانت طيب و بصحة و سعادة
والمرة الجاية تلاقي الأغنية عالمدونة

________________

قطرات من شواطئ الحياة يقول...

donya

بجد أجمل دعوة اللي كتيتيهالي
آمين و يا رب يكتبلك زيها
و كل عام و انت قريبة من قلبي :))

قطرات من شواطئ الحياة يقول...

sweet violet

قوليلي بس الصنف اللي كنتي واخداه قبل ما تكتبي التعليق عشان أبقى اشتريه أصل شكله جامد آخر حاجة

إيه كل ده ؟؟ حسستيني إني بعاقب اللي بيعلقوا متأخر و بذنبهم على الحيطة
يا ضد و الله مسامحاكي و ماتحرقيش الابتوب بتاعك ولا حاجة
سيبيني أنا اللي أولع فيييييييه!!! P:
وبناءا على رغبتك في الاختصار فأنا بشكر مصر أم الدنيا و الريس حسني مبارك ربنا يطول في عمره كمان و كمان و عقبال المليون و بشكر الوطن العربي الأصيل و الحضارة الفرعونية العريقة و مينا موحد القطرين و محمد علي كلاي و الحملة الفرنسية و أبو جلمبو و أم تلانة و تلاتين
و ضد التيار التي أصبحت تحمل اسم sweet violet و نفسي أعرف اسمها الحقيقي إيه P;

Dr.Maha Salem يقول...

بعد هديه لعبة السمك

اعتقد انك تميتي السنة دي فعلا 20 سنة بس من غير الصفر اللي جنب
ال2
صح وا انا غلطانة؟ ;)

قطرات من شواطئ الحياة يقول...

Mihoooo

صح طبعاااااا !!!!!!
أنا بقول كده برضو بس محدش مصدقني :))

نهــــــــــار يقول...

السلام عليكم........
كل عام وأنتِ إلى الله أقرب........
.........
ماشاء الله الله يباركلك في أهلك وأصحابك ......
مش كنتي تعزميني ...
أنا شيليز بالذات مش بحب فيه غير الكيكه بالآيس كريم...
.......
والله يجعلك ممن يبرون بأهلهم...
ويحفظلك والدتك..
.......
في أمان الله....

Sweet Violet يقول...

هههههههههههههههههههههههههههههههه

طب ماهو بردو اختصرى و اقولى بشكر التاريخ القديم و الحديث و جميع الفترات اللى وقعت فى النص و الفترات اللى لسه هتقع ((:

اتعلموا بقى الاختصار صح ياساتر هنفضل نعلم فيكم لحد امتى بس P:

و كمان مليون سنة ياجباااارة حرام عليك .. ده انا لحد الان مش شوفت غيره نفسى اقول كلمة ( انا من ايام الرئيس السابق ..) قبل ما اموت زى باقى الناس اللى من الجيل اللى فات )):

اما عن الصنف ياسلام و كمان ياسلام و كمان مرة علشان الحبايب ياسلام

اياك تقولى انك منتظرة اقوله فعلا .. تؤتؤتؤتؤتؤ ده السر الصنعة نيهاهاهاهاهاها (طول عمرى شريرة مافيش فايدة ^_^ )

و كمان ايه يابنتى الزهايمر اللى حصل فى المدونة دى .. ماانا اول لما عملت المدونة قولت انا مين ليك .. بطلى بقى الصنف بتاعك المضروب ده P:

ادخلى هنا الوحيدة اللى تلاقيها عاملة قلق فى التعليقات اكيييييد مش انا طبعا ( ده انا نسمة ^_^ )

http://karimanzamzam.blogspot.com/2008/09/blog-post.html

عارفة الطريق ولا اوصفلك ؟؟؟ عموما مش تتكسفى المدونة مدونتك بردو يابنتى مافيش احراج يعنى .. انطلقى بقى

وبطلوا رغى شوية بقى الواحد مش عارف ينام فى المدونة دى P:

قطرات من شواطئ الحياة يقول...

نهار

أنا كمان بحب الكيكة دي جدااا إن شاء الله المرة الجاية ناكلها مع بعض ;)
وأجمل شكر ليكي على الدعوة الرائعة دي :)

دمت بكل الود

قطرات من شواطئ الحياة يقول...

sweet violet

صاحبة أطول كومنتات بتقوللي اتعلموا الاختصاااااااااار
يا سلام عالتناقض P:

و بعدين الرئيس السابق إيه بس في مصر مفيش غير الرئيس الرااااااااحل إنما السابق دي ماسمعتش عنها بصراحة

تصدقي تهت على بال ماوصلت للعنوان؟؟ لينك إيه اللي كاتباهولي ده المرة الجاية تنزليلي معاه الخريطة و بوصلة و شنطة سفر
اتعلمي الدقة بأة تعبتيني

و بعدين فيما يخص الصنف بتاعك انا مش حتنااااازل أبدا أبدا مهما يكووووووووووون لازم تقوليلي اكسبي فيا سيئــ قصدي ثواب xD و لو خايفة من الرقابة اكتبيهولي بالرموز P:

اقصوصه يقول...

كل عام وانتم بخير :)

قطرات من شواطئ الحياة يقول...

أقصوصة
وانتي بخير :)

wafaa يقول...

كبرت البنوتة وبقت عشرين ،كل سنة وانتى بصحة وهنا يارب السنين الجاية تحققى كل اللى تتمنيه

Israa El-sakka يقول...

كل عشرين سنة و أنتي طيبة

و إيه المصايب دي كلها ..ده كان يوم نحس ده ولا إيه
و يارب تحققي كل أحلامك
مستنية جديدك

قطرات من شواطئ الحياة يقول...

وفاء
كل عام و انت أجمل :)

قطرات من شواطئ الحياة يقول...

إسراء السقا
سعيدة لمرورك و تهنئتك :)
جديدي حينزل قريب بإذن الله
تقبلي مني كل الود و التقدير

hager za3bal يقول...

هييييييييييييييه

اول مره ادخل المدونه ألاقي عيد ميلاد :)

كل سنه وانتي طيبه وسعيده دايما يارب
وربنا يخليلك كل اللي بيحبوكي وبتحبيهم

تحياتي

قطرات من شواطئ الحياة يقول...

هاجر

وانت طيبة و جميلة و تزوريني دايما :)

جوجو يقول...

السلام عليكم

كل سنة وانتى طيبة ياكريمان

أكون أو لا أكون يقول...

كــــــــــــــــل سنه وانتي بألف خير... وعقبال الميه ههههه
وحشتيني جداً يافنانتنا المبدعه....

قطرات من شواطئ الحياة يقول...

جوجو

و عليكم السلام و رحمة الله و بركاته
وانت طيبة يا جوجو

_______________________


أكون أو لا أكون

بجد وحشتينيي