23‏/4‏/2009

حكاية لابسة ملاية



تدق الساعة الثانية عشر إلا ثلاث دقايق و نص

تتذكر سندريللا تحذير الساحرة الشريييييييرة بتحويلها لعروس المولد إن بقيت في الحفل ربع ساعة زيادة

تحاول الهروب إلى المنزل و لكن كعب الحذاء يضايقها

تخلعه

فينفر الأمير من رائحة قدميها

تحمل فردة بين يديها و تجري حافية الأقدام

و قبل أن تذهب ترمي الأمير بفردة الحذاء الآخرى حتى لا تخل بالأسطورة

تخبطه الفردة في رأسه فيفقد الذاكرة و ينسى إن كان فيه سندريللا أصلا

تتجه نحو النهر تتعثر و تقع فيزول السحر بفعل المياه

و تظهر الساحرة الشريرة تحترق غضبا

فكم حلمت بتحويلها لعروس مولد تتغذى عليها في عيد الفطر بدلا من الكعك الردئ الذي تصنعه لها سنو وايت

تخرج سنو وايت من النهر مبتلة

و تبحث عن التفاحة المسمومة لتضعها مصيدة للفئران في حجرتها

يظهر لها جيري عبر ثقب في الحائط

تستوقفه و تطلب منه توقيع و صورة لتقوم بتحميلها بعد ذلك على الفيسبوك

و عندما يراهما توم تقتله الغيرة

فيضع إصبعه أمام الكاميرا لتحترق الصورة

يقولا تشييييييييييييييز

يسمعا صريخا في المطبخ

لا بد أنها الأميرة النائمة قد استيقظت فجأة على كلمة تشييييز فهي من عشاق الجبن الرومي

فيبدأ جيري في إخفاء ما يملك من الجبن في قبعة القزم السابع حتى لا تفترسه الأميرة

و لكن هيهات

فلها أنف قادرة على تمييز الروائح على بعد الغابة من منزل سنو وايت

تلاحق الأميرة القزم السابع الذي لا يعلم بعد ما تحتويه قبعته

ينادي مستنجدا بالقزم الثامن و لكنه لم يكن موجودا في الأسطورة أصلا

فينوب عنه القزم السادس و يضرب الأميرة بمقشة الساحرة الشريرة

فتسقط على الأرض و تنام من جديد

يمر علاء الدين في تلك اللحظة حاملا بساطه السحري

يسمع صوتا غريبا أصابه بالصداع

يفاجأ و هو يخرج علبة البانادول من المصباح السحري أن الصوت ما هو إلا شخير الأميرة النائمة

يضعها على بساطه و يأمره بإلقائها في أي حتة بعيدة

يلقيها في النهر حيث تقابل السندريللا و تساعدها في تجفيف ملابسها

تركبا على البساط السحري و تعودا مرة آخرى

يصل علاء الدين للقشة التي قسمت ظهر إيور الحمار بتاع بووه

فيطلب من العفريت أن يأسرهما و جميع الأميرات معه في المصباح مدى الحياة

إلا ياسمين لأنها ماهرة في صنع الملوخية اللي بيحبها

يأتي عم ديزني المأذون و يجوز علاء و جيسي بشرط عدم تولي علاء الحكم بعد زواجه الـ " مبارك "ا

و يعيش علاء الدين و ياسمين في تبات و نبات

و يجيبوا حظمبل و فتكات

____________
بقلم : كريمان زمزم

هناك 28 تعليقًا:

Sweet Violet يقول...

ينهار ابيض انا اول لما شوفت التعليق

قلبى نط و فط و بط و كل طت فى الكون

وقولت ايه يابت ياضد الواحشة اللى انتى فيها دى

و زعلت من نفسوياتى قوووى عااااااااااااااااااااااااا

قولت اجى و اعمل زى الصعايدة و اقدم كفنى ((:

و اطلب السماح

و بما انى عارفه ان قلبك ابيض.. ابيض من الكفن بتاعى فالازم استغل النقطه دى مدام انا غلطانه بقى و عارفه انك هتسامحى (وش مكثووووف من نفسه)

بجد و الله انتى وحشانى ياقمر بس فعلا انا بقالى فتره منقطعه و لسه يادووووب راجعه من ايام بسيطه

هروح اقرا البوست و اجى بقى اصلى لسه مش قريته D:

خلاص خلاص من غير ضرب ماهو اصل انا كان قلبى بيدق قوى اول لما شوفت التعليق بتاعك و مش كنت هعرف اقرا الا لما اقولك تسامحينى بقى هه

عااااااااااااااااااااااااااااااااااااااااااااااااااااااااااااا

يلا بقى اروح اقرا و اجى (:

Sweet Violet يقول...

هههههههههههههههههههههههههههه

لالالا حلوة و الاحلى انك دخلتى بووه فى الموضوع بحبه ياعاااااااااااااااااالم (:

بس سؤال برئ جداااااا جدااااا و اياكى تفهمينى صح ابدا

(يأتي عم ديزني المأذون و يجوز علاء و جيسي بشرط عدم تولي علاء الحكم بعد زواجه الـ " مبارك "ا)

انتى تقصدى مين هه مين المقصود قولى قولى سرك فى بلوجر كله صدقينى ((:

بس تخيلى فعلا كده بقى واقعى شويه بدل الرومانسية اللى كانت فيها الحكايات

كده الواحد يحس ان الموضوع مش احلام ... بس توم مش شرير ده جيرى هو الشرير قووى انتى عكستى ليه

لالالا اطلب بتغيير الجزء ده و كمان انا عايزة بووه فى الحكايه يكون ليه دور رئيسى مش ثانويه ده حتى مش كمل الثانوى عاااااااااااااااااااااااااااااااااا

لن انسى لك هذا الموقف ابدا ):

جوجو يقول...

السلام عليكم

ازيك اخبارك ايه

اخيرا نزلتى بوست

قصة جميلة

تحياتى

romansy يقول...

هههههههههههههه
يا سلام على الحكايات
اللى غيرت التاريخ
وغيرت كل اللى قريته
بس حكايات عصريه تنفع لاطفال اليومين دول

إيمان قنديل يقول...

طبعا في البدايه أعتقدت أنها قصة تقليدية لحكاية سندريلا، لكنني وجدت سردا مختلفافي وقائعه تشابكت فيه جميع قصص الأطفال التي عرفناها من قبل،ولكن بعد ان أتخذت من أبطالها رموزا لمحاكاة الواقع،ثم أخذتني النهاية المفاجأة الى درب السياسه


برافو

إيناس حليم يقول...

هههههههههههههههههه
بجد ضحكتني اوي الحكايات دي كلها اللي عرفتي تصوغيها في حكاية واحدة مش عارفة ازاي :)
واضح انك متأثرة بالكارتون اوي
:)
حكاية جميلة يا جميلة

تقبلي تحياتي

د. محمد رضا يقول...

ايه اللخبطه دي انا دخت

mohamed ghalia يقول...

هههههههههههههه
جميل التحوير الى فى القصة ده
اسلوبك هايل تسلم إيدك

ahmed_k يقول...

ههههههههه
أيه السلطه الكارتونيه دي
ويا ترى فين بطوط وعم دهب
وعلي بابا والأربعين حرامي
مش كان المفروض يكون ليهم دور في الحدوته دي ؟؟؟
ونسيتي بكاااااااااااااااار
كده في حد ينسى بكار

يلا معلش سماح "النوبه"

Ahmed Hishmat يقول...

ممكن أفهم من كده إني
مجيش هنا تاني

هبة خميس يقول...

ههههههههه
ايه التخريف دة
بوست جميل
تحياتي

مجلة الأم الصغيرة يقول...

sweet violet

إيه كل ده بس ؟؟؟؟ خلاص و الله مسامحاكيييييييي
والله وحشتيني أكتر بجد و وحشتني تعليقاتك المجنونة P;
واضح فعلا إنك جيتي جري عشان كده لحقتي أول تعليق D:

أما عن بووو فانا كمان بحبه أوي و عشان بحبه ماخلتلوش دور رئيسي عشان ماسوأش سمعته
ههههههههههههههههه

و بعدين سايبة العك ده كله و جاية على إني خليت توم هو الشرير ؟
مرة من نفسه بقا
هههههه

أما بقا عن المقصود بجواز علاء و جيسي المبارك
فأنا طبعا طبعا طبعا طبعا مقصودش أي رئيس لأي دولة و بالذات جمهورية مصر العربية أبدا أبدا
حتوديني في داهية ليه يا ضد ؟؟؟؟؟
دي أخرت العشرة ؟؟؟ عاااااااااا

مجلة الأم الصغيرة يقول...

جوجو

أخيرا نزلت شوفتي بقا ؟؟ :))
شكرا لتعليقك يا جميل

_________________

romansy

هي فعلا تنفع لأطفال اليومين دول جداااا
عشان هما متشردين و ماينفعش معاهم قصصنا الرقيقة
تحياتي

____________________

غرام

كم هو رائع تعليقك
بجد دي شهادة أعتز بيها
شكرا لتشجيعك و مرورك
دمتي بكل الود

_____________

ادم المصرى يقول...

قصه رائعه فعلا

مهرة سالم يقول...

السلام عليكم......
عســـــــل ...
حقيقتا يستحقوا كل هذه اللخبطه ...
.......
وبفضل الملوخيه عشوا هابلي إفر افتر ..
...
جميل يا كريمان ..
..
دمتِ بخير

شيماء الجمال يقول...

:×)

مجلة الأم الصغيرة يقول...

إيناس حليم

مش بس متأثرة بأفلام الكارتون ده أنا لحد النهاردة بتفرج على ديزني تشانل و سبيس تون
مين اللي قال إنه للأطفال بس ؟؟ D:


__________________

د. محمد رضا

دا هدفنا !!!

__________________


محمد غالية

أشكرك !

مجلة الأم الصغيرة يقول...

أحمد_ك

بكاااار ؟؟؟ بكار ده كارتون مصري يعني مش محتاج لخبطة هو يتوه لوحده يعني مثلا حد عمره شاف معزة بتتكلم ؟؟؟ لأ و كمان اسمها رشيدة !!
أما بطوط فهو غني عن التعريف
شكرا لمرورك و تأييدك

__________________

أحمد حشمت

أهلا بك في أي وقت

مجلة الأم الصغيرة يقول...

هبة خميس

نورتيني :)

___________

آدم المصري

أشكرك

___________

غير معرف يقول...

هو اسلوبك فيها جميل جدااا
والإطار الكوميدي فيه عالي
وانك عرفتي تضمي كل الشخصيات دي في مواقف قصيرة ومتسلسلة ومترابطة دي لوحدها معجزة

بس بصراحة انا ما بحبش النوعية دي من الكتابات
بحس انها بتشوه وتهز الصورة الجميلة اللي مرسومة في خيالنا من الحكايات الاصلية

ده رائي في نوعية الكتابة

لكن اسلوبك وكتابك وخيالك
حقيقي روعة وتحفة
والنهاية كمان رائعة

تحياتي يا كاري

momken يقول...

ياخبر
انتى بوزتى حجات جميله اوى كانت فحياتى

متلعبيش فى اى قصص تانى

بس للامانه العلميه ضحكت جدا وكنت بتخيل كل القصص الى دخلت فى بعض

وفعلا حاسيت ان الساحره كانت شريره

وسندريلا كان الفروض ترش بودره على رجلها قبل متروح الحفله

انتى دمك جميل اوى

اه جميل مش عجبك ولا ايه؟


تحياتى

لاسع افندى يقول...

معالجه ظريفه لقصص فى عصور جميله
لا اظنها يمكن ان تحدث بجمالها فى عصرنا الحالى
لا يمكن ان تحدث الا كما وصفتيها انتى


تقبلوا تحياتى ومرورى

مجلة الأم الصغيرة يقول...

نهار

بجد ضحكتيني أوي على عاشوا هابلي إفر أفتر
ههههههه
مش كنتي تقوليها من بدري عشان أضيفها للحكاية ؟؟؟
هما فعلا يستحقوا كل اللخبطة دي
شكرا لمرورك و مساندتك
و دمت بكل الود

________________

شيماء الجمال
;)
:)

______________

مجلة الأم الصغيرة يقول...

herisson

يحترم رأيك و أجمل ما فيه طريقتك الراقية في عرض وجهة نظرك المخالفة

تحياتي لقلمك

_______________

momken

أنا فعلا بوظت كل القصص
بس أنا كنت شايفاها من المنطلق ده
يعني إيه اللي حيخلي سندريللا تنسى جزمتها غير إنها كان مضايقها الكعب ؟؟؟
مفيش تفسير تاني
و لو الساحرة كانت كيبة ليه ما مدتلهاش المدة أكتر من الساعة 12 ؟؟؟
كل دي حاجات كانت بتدور في دماغي و خلتني ألعب في الأساطير


_______________

مجلة الأم الصغيرة يقول...

لاسع أفندي

أصبت حقا ففي عصرنا الحالي لا يمكن أن تحدذ تلك القصص إلا بهذه الطريقة
وداعا لزمن البراءة

تحياتي

mahasen saber يقول...

بعد ما قريت البوست
احط بيرو على رجلى وااقراهوله بما انه ممتع جدا

ازيك يا قطره
كيفك يا جميله وحشانى

مجلة الأم الصغيرة يقول...

محاسن صابر
مابلاش تقريه لبيروووو !!!!! اسمعي نصيحتي و إلا مش حكون مسؤلة عن النتايج D:
أنا الحمدلله بخير شكرا على سؤالك
أتمنى انت كمان تكوني بألف خير
و سلامي لبيروووو

Dr.Maha Salem يقول...

نوع جديد من الكتابة
حقا ابدعتي فيه كعادتك دائما
ستكونين بارعة في حكايات قبل النوم لاولادك
بس المهم انم ما يضربوكيش في النهابة
يعني يارب يناموا قبل نا الحدوتة تخلص
;)